Menu

Termine 2019

8. bis 17.  Februar: Wyyguet Rinklin an dr MUBA ! Bsueche Sie uns an dr Sonderusschtellig „Original Regional“ zämme mit de Wyproduzänte Basel- Solothurn. Täglich vom Zähni bis am  Achti z’Obe (10.00 – 20.00 Uhr)in Halle 2.2, Stand 0013

16. März: Mit em Märtstand im Dorf, denn mir kömme au im März – kei Scherz !

30.März: Und scho wieder mit em Märtstand vor dr Bank. Git’s  Sunne oder Räge ? Oder scho die erschte 18er Wy ?

20.April: Bi dr Conny am Märtstand git’s Oschtergschänggli für Erwachseni. Oder me kunnt eifach so, und nimmt e Glas – uff dr Oschterhaas !

27.April: Natürlich am Naturmärt in Rieche zum Thema „Wasser – mehr als nur H2O“. Isch Wy flüssiger als Wasser ? An unserem Beizli-Stand git’s beides !

1.Mai: S’offene Wyyguet – Festwirtschaft und Degustation im Wyyguet Rinklin z’Rieche im Schlipf. Für Details bruuche mer no e bitzli Zyt….

11. Mai: Friehligsmärt in Rieche – dr erschti Saisonmärt im 2019 und mir sin wie immer derby.

25.Mai: Dr näggschti Märtstand im Dorf. Bi uns bisch im Mai sicher nit elai !

22.Juni: Mer mache Wärbig für dr Räbesunntig und nämme au chli Wy mit zum Verkaufe.

30. Juni: Räbesunntig im Schlipf (Details kömme no…)

20.Juli: Dr Märtstand in de Summerferie: S‘ goht nümm alles drüber und drunder – heb’s gmietlig und nimm e Blauburgunder.

24.August: Summ, summ, Summerwyy. Oder: Mir sin wieder mit em Märtstand im Dorf

7. September: Herbschtmärt in Rieche – Saisonmärt Nr. 2. Villicht mit Suuser, aber sicher mit Uns !

8.September: Dülliger Wymärt

19.Oktober: S‘ Herbschte isch verbii und mir kömme wieder mit em Märtstand ins Dorf.

23. November: Bi uns am Märtstand git’s Rootwy zum Wärme und Wysswy zum Fondue.

30. November: Wintermärt in Rieche – dr Dritti und letschti grossi Märt vom 2019 im Dorfzentrum. Ganz klar, dass mir au do wieder mit derby sin ! Me ka au Gschänggkörb bschtelle, für Wiehnachte….

21.Dezember: D‘ Conny verkauft am Märtstand no die letschte Gschänggkörb – oder e guete Wy zum Wiehnachtsässe.

28. Dezember: An unserem Märtstand git’s Schuumwyy für Silvester und die Beschte Wünsch zum Neue Joor !

letschti Aktualisierig: 28. Januar 2019